Maalfu ya watu wameshiriki katika maandamano makubwa kabisa, kuwahi kufanyika hadi sasa nchini Sudan ya kumtaka Rais wa nchi hiyo Omar al-Bashir ang’atuke baada ya kutawala kwa muda wa takriban miaka 30.

Waandamanaji walikwenda hadi kwenye makao makuu ya jeshi mjini Khartoum, huku wakipaza sauti zao wakisema, amani, haki na uhuru. Makaazi ya rais al-Bashir pia yamo kwenye makao makuu hayo. Waandaaji wamesema kabla ya maandamano hayo kuanza idadi kubwa ya polisi waliwekwa katika sehemu mbalimbali za mji mkuu, Khartoum ambapo waliwazuia wapita njia kuzifikia sehemu kadhaa za mji huo. Kwa mujibu wa taarifa maandamano hayo yalifanyika kwa usalama. Tangu kuanza harakati za wananchi, mnamo mwezi Desemba za kumtaka rais al-Bashir aachie ngazi, watu 31 wameshauawa. Shirika la kutetea haki za binadamu la Human Rights Watche limesema linaamini kwamba watu 51 waliuawa wakiwemo watoto na wahudumu wa afya.

CHANZO: Idhaa ya Kiswahili DW

Latest News

Kiwanda cha Alizeti chakosa malighafi, Mara
17 Jul 2019 13:12 - Kisali Shombe

Halmashauri ya wilaya ya Serengeti mkoani Mara imetenga zaidi ya shilingi milioni ishirini na tano ili kuwapa wakulima  [ ... ]

Mtendaji awekwa ndani kwa kula fedha za vitambulisho.
16 Jul 2019 14:01 - Kisali Shombe

Mkuu  wa  wilaya  ya  Kalambo Julieth Binyura  amemweka ndani  kwa muda  wa  saa 24 mtendaji  wa  kijiji cha  [ ... ]

Mhe. Dkt. John Pombe Magufuli ametoa siku 5 kwa Wizara ya Ujenzi, Uchukuzi na M...
16 Jul 2019 12:49 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametoa siku 5 kuanzia leo tarehe 16 Julai, 2019 k [ ... ]

Other Articles

Social Media

Copyright © 2019 . Star Tv - Tanzania. All Rights Reserved.