Serikali ya Msumbiji imesema visa vilivyothibitishwa vya maambukizi ya ugonjwa wa kipindupindu katika mji wa Beira vimeongezeka maradufu na kufikia wagonjwa 271 katika kipindi cha masaa 24 yaliyopita.

Serikali na wafanyakazi wa mashirika ya kutoa misaada wanajaribu kudhibiti kusambaa kwa maradhi hayo wiki mbili tangu kimbunga Idai kilipoupiga mji wa Beira na kusababisha mafuriko makubwa yaliyowauwa zaidi ya watu 700 katika nchi za Msumbiji, Zimbabwe na Malawi.

Akizungumza wakati wa kufungua kituo cha muda cha matibabu ya kipindupindu mjini Beira, waziri wa Mazingira wa Msumbiji amesema tayari wagonjwa 138 wanapatiwa matibabu na kwamba hadi sasa hakuna aliyefariki dunia kutokana na maradhi hayo kwenye hospitali zinazotoa huduma.

Maeneo mengi nchini Msumbiji na Zimbabwe ambayo yalipigwa vibaya na kimbunga Idai bado hayafikiki kwa njia ya Barabara. Maradhi ya kipindupindu ni tatizo sugu nchini Msumbiji ambayo imeshuhudia miripuko ya mara kwa mara katika miaka mitano iliyopita na kulingana na shirika la Afya duniani kiasi watu 2000 walipatwa na kipindupindu wakati mlipuko wa mwaka 2018.

CHANZO: Idhaa ya Kiswahili DW

Latest News

Kiwanda cha Alizeti chakosa malighafi, Mara
17 Jul 2019 13:12 - Kisali Shombe

Halmashauri ya wilaya ya Serengeti mkoani Mara imetenga zaidi ya shilingi milioni ishirini na tano ili kuwapa wakulima  [ ... ]

Mtendaji awekwa ndani kwa kula fedha za vitambulisho.
16 Jul 2019 14:01 - Kisali Shombe

Mkuu  wa  wilaya  ya  Kalambo Julieth Binyura  amemweka ndani  kwa muda  wa  saa 24 mtendaji  wa  kijiji cha  [ ... ]

Mhe. Dkt. John Pombe Magufuli ametoa siku 5 kwa Wizara ya Ujenzi, Uchukuzi na M...
16 Jul 2019 12:49 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametoa siku 5 kuanzia leo tarehe 16 Julai, 2019 k [ ... ]

Other Articles

Social Media

Copyright © 2019 . Star Tv - Tanzania. All Rights Reserved.